Udara modu politean bukatzeko, urtero bezala, auzotarrak elkartu eta irteera bat egiteko eguna jarri dute Osiñagako Auzo Elkarteko kideek. Hitzordua irailaren 1erako jarri dute, eta Nafarroara egingo dute bisita.
Egun pasa, bazkari eta guzti
Hernanitik irailaren 1eko goizeko 08:30etan aterako dira. Baina irteera gunea aldatu egin dute; «aurten, bidea konpontzen hasi behar dutela eta, Akarregi poligonoan dagoen Bi Herriak taberna gunetik» aterako dira.
Goizean goiz abiatuta, aurreneko geltokia Leireko monasterioan egingo dute. Hamaiketakoa egin, eta eliza eta kripta bisitatuko dituzte.
Leireko monasterioko eliza eta kripta, Xabier gaztelua eta Zangotza herria ezagutuko dituzte.
Ondoren, Xabier gaztelua bisitatu eta ezagutzeko aukera izango dute.
Handik, bazkaltzera Zangotza herrira joango dira. Bazkaria norberak berea ordaindu beharko ditu, eta 30 euro balioko ditu. Autobusa, berriz, auzo elkartearen kontura izango da.
Izen-ematea, irekita
Planaren berri ematearekin batera, Osiñagako Auzo Elkarteak jakinarazi du izen-emate epea irekita dagoela, eta hain zuzen, astelehenean, abuztuaren 26an itxiko dela. Elkarteko kideren batekin harremanetan jarri behar da, izena emateko. yy