Musikene, Euskal Herriko Goi Mailako Musika Ikastegiko ikasleak dira Jon Patxe hernaniarra, Luis Álvarez burgostarra, Guillermo Eizaga logroñoarra eta Carlos Rubio andoaindarra, eta Four Beats perkusio taldea osatu dute, Donostiako Musika Hamabostaldian jotzeko.
Gaur emango dute kontzertua, Interprete Gazteen Zikloan, 19:00etan hasita, Miramar jauregian, eta sarrerak erosi daitezke, quincenamusical.eus webgunean, 5 euroan.
Hernaniarrak Kronikari aitortu dionez, «perkusioa oso gutxi ezagutzen da» egun; «bateria» dator edonoren burura. Baina, «askoz ere gehiago» da, eta gaur erakutsiko dute hori. Kontzertu «eramangarria» eta «erakargarria» agindu du; «perku-pop deitzen diogu!».