Ostiralero bezala aldarrikapena kalera eramango dute gaur ere preso eta iheslarien senide eta lagunek. Oraingo honetan, kontzentrazioa egingo dute Zinkoenean, arratsaldeko 20:00etan hasita. Bertaratzeko deia egin dute, izan ere, «euskal preso eta iheslariak etxean izan behar dute. Bada garaia guztion eskubideak errespetatuak izateko eta espetxe politika aldatzeko. Ez dugu gizarte baketsu bat izango gatazka guztiz konpondu arte, honegatik kalera atera beharrean gaude oraindik».