sorpresa prest zutela adierazi zioten egun batzuk lehenago Kronikari udal korporazio berriko kideek, eta halaxe izan zen. Bertsotan eman zieten hasiera herriko fiestei Unai Miranda alkateak, eta beste bost zinegotziek: Alaitz Eskuderok, Iñaki Etxeberriak, Ana Uitzik, Maialen Apezetxeak eta Igaratza Apezetxeak.
«Ongi etorri guztioi aurtengo festara» kantatu zuten hasteko, bertsoari hasiera emanez. Eta jarraitu zuten: «errespetuz bada, egun eta gaba». Eta elkarlanerako mezua ere zabaldu zuten, bukatzeko: «guztiok elkarrekin Goizueta gara!».
Bertsoaren ondoren, Igandea txaranga zoriontzeko aprobetxatu zuen Miranda alkateak, 25 urte bete dituztela-eta.
Erraldoi eta buruhaundiek jarraitu zuten, gero, eta ordutik aurrera, ez da festa gogorik faltatu.
Dianak animatuko du egunaren hasiera gaur, eta entzierroa izanen da, gero. Gauera arte izanen da zer gozatua, Amabirjin egunean.
GAUR, ABUZTUAK 15,
Amabirjin eguna
07:30, Diana, dultzaineroekin.
08:00, Entzierroa, Lasturko zezenekin.
10:30, Meza Nagusia eta ohiko prozesioa.
12:00, Erraldoiak eta Buruhaundiak dultzaineroekin herrian zehar.
12:00, Pilota partiduak:
Gazteen artean: Ohian Legarreta-Xuban Iturbe, eta Aiur Elizazu-Eukeni Etxenike.
Lehendabiziko mailako afizionatuak: Apezetxea-Murgiondo, eta Etxezarreta-Arrate.
13:30, Igandea Txaranga.
17:30, Zezenak Lasturren eskutik.
19:00, Bertso saioa: Maialen Lujanbio, Aitor Mendiluze, Julio Soto eta Aitor Sarriegi.
Gai-jartzailea: Aritz Zerain
Ondoren, Igandea Txaranga.
20:30, Bingoa Goittikiren alde, Ikastolan.
21:30, Dantzaldia Ikastolan, DJ Mikeltxirekin.
21:45, Afari Herrikoia Umore Ona elkartean.
00:30, Kalejira.