Auzolan Berri programako Gozogintza eta Okintzako prestakuntza jaso duten lanik gabeko pertsonak kontratatzeko diru-laguntzak emango dira. Abuztuaren 7ko GAOn argitaratu dira oinarriak.
Hainbat baldintza
Auzolan Berri programa Beterri-Buruntza eskualdeko programa bat da, Astigarraga, Hernani, Andoain, Urnieta, eta Usurbilgo Udalek martxan jarri zutena, 2018an. Bazterketa egoeran dauden pertsonei integrazio soziala eta laborala bermatzeko lau urteko programa da.
Aurreneko edizioan, gozogintza sektoreko prestakuntza eta enplegu programa bideratu dira, eta bertan parte hartu dutenak kontratatzeko diru-laguntzak emango dira orain.
Langabeek, kontratauak izateko hiru baldintza nagusi bete behar dituzte: eskualdeko udalerriren batean erroldatua egotea, Lanbide-EEZn langabe edo enplegu eskatzaile gisa izena emanda egotea, eta Auzolan Berri programako Gozogintza programako partaide izatea.
Enpresek, berriz, diru-laguntzak jasotzeko, gutxienez 3 hilabeteko kontratua egin behar dute, lanaldi osokoa edo gutxienez, %70ekoa, eta irailaren 1etik urriaren 15era bitartean hastekoa. Trebakuntza eta ikastun kontratuak izan ezik, edozein motakoak egin daitezke.
Eskaerak,?Astigarragan
Laguntzak eskatzeko Astigarragako Udalera jo behar da, irailaren 1etik azaroaren 15era. Baina argibideak eskatu daitezke: enplegu-soziala@hernani.eus edo 943 25 63 47 eta enplegu@astigarraga.eus edo 943 50 57 00.