Ofizialtasunarekin bat, berdintasunaren alde

Festa giroan egin zion ha­rre­ra Goizuetako herriak ostegu­ne­an, Euskal Selekzioaren Al­deko Men­di Martxari. Eta fes­ta apro­betxatuta, aldarrika­pen bi­koitza ere egin nahi izan zuten.

Ofizialtasunaren aldeko es­kariarekin bat egiteaz gain, Goi­zuetako Kirolean Berdint­a­su­nez lan ildoari jarraituz, he­rri­ko eskolaren ondoan egin­dako mu­rala aurkezteko apro­be­txatu zu­ten; emakumea eta kirola irudikatzen dira bertan. Era be­rean, ondoren, Ema­ku­me Pilo­ta­rien Elkarteak anto­la­tutako pala partiduarekin gozatzeko aukera izan zen. Itziar Lopetegi beteluarrak eta Ekiñe Balerdi usurbildarrak osatu zuten bi­kote bat, eta Eider Otaegi do­nos­tia­rrak eta Irati Otaegi astea­sua­rrak bes­tea. Berdinduta ari­tu zi­ren ha­si­eratik, eta jo­kaldi ede­rrekin gozatzeko aukera izan zen. Mendi martxako parte-har­tzai­leak gogotsu aritu ziren ani­matzen, oso nekatuta egon arren, etapa gogorra izan ba­i­tzen Sunbillatik Goizuetara­koa. Egu­na borobiltzeko, afari soli­da­ri­oa egin zuten, Tafalla eta in­guruetan uholdeek era­gindako kal­teei aurre egiteko dirua bil­tze­ko. Unai Miranda alkatea­ren agu­rra ere jaso zuten bertan.

Ostiralean, berriz, Goizue­ta­tik Andoainerako etapa egin zu­ten, Arano eta Onddin ba­rre­na, eta gaur, Usurbilera iritsiko dira. Ber­tan bukatuko da, pasa den la­run­batean Ai­nhoan hasi zen Eus­kal Se­lekzioaren aldeko Martxa. 

• Argazkiak: Euskal Selekzioaren aldeko Martxa Goizuetan - Felix Loiarte.