Eskola liburuak aukeran, Kronikan

Ikasturte berria hastearekin batera, eskolako material asko bildu behar izaten da, aurreneko eskola egunerako prest egoteko. Askotan, gastua haundia izaten da, ordea, eta horri begira, azoka berezia jarri nahi du martxan Kronikak: eskola liburuen azoka.

Helburua hirukoitza da: batetik, etxean alferrik gordeta dauzkagun eta erabil­tzen ez ditugun eskola liburuak etxetik atera eta berrerabiltzeko aukera ematea; bes­tetik, behar ditugun es­kola liburuak merke-merke lortzea; eta azkenik, Kroni­kari la­gun­tza ematea.

Bilketa, datorren astetik 

Aurrena, eskola liburuak ja­so­tzeko epea irekiko da. Hain zuzen, hilaren 12tik 23ra bitartean jasoko dira liburuak, Larramendi kaleko Kronikaren bulegoan. 

Hernani eta Astigarraga­ko ikastetxeetan, Lehen eta Bi­ga­rren Hezkuntzan edota Ba­txi­lergoan erabilitako es­kola liburuak ekarri ahal izango dira. Liburuak entregatzen dituenaren datuak jasoko di­ra azoka martxan jartzean li­buruak salduz ge­ro, harekin harremanetan jarri eta dagokiona ordaintzeko. Saldu eze­an, li­bu­ruak bueltan jasotzeko epea jarriko da, nahi duenak aukera izan dezan.

Azoka, hilaren bukaeran

Bakoitzak behar duen libururik bildu ote den ikusteko, berriz, Kronikatik pasatzeko aukera izango da abuztuaren 26tik irailaren 6ra arte. Nahi duenak erosi ahal izan­go ditu liburuak. Saldu­ta­ko­tik lortutako diruaren zati bat Kro­ni­ka laguntzeko erabiliko da.