Pasaian izan ziren, berriro ere, Hernaniko Arraun Elkarteko neskak, Maialen trainerurarekin, ETE ligako hamargarren jardunaldia jokatzen. Zortzigarren postuarekin konformatu behar izan ziren, azkenaldian bere egin duten postua, hain zuzen.
Kostaldera joan zen, ordea, ikurriña, Zumaia izan baitzen azkarrena, 10:51.88 denborarekin. 8 segundora iritsi zen San Juan; 10era, aldiz, Hibaika. Hernaniarrak irabazleak baino 28 segundo gehiago behar izan zituen.
Zortzigarren, sailkapen osoan ere
Badirudi zortzia dela aurten Maialeni dagokion zenbakia; izan ere, azkenealdian zortzigarren iristeaz gain, zortzigarren postuari eutsita dabil sailkapen orokorrean ere.
Hori aldatzeko aukera izango dute oraindik; ETE liga bukatzeko bost jardunaldi geratzen baitira. Hurrengo zita Zumaian izango dute, larunbatean.