Chillida Leku museoa ezagutzeko aukera, txikienek ere

Apirilaren 17an ireki zituen ateak, berriro ere, Chillida Le­ku museoak, eta hori gertatu  zenetik, aurreneko udara dute hau. Hasiera hau programa berezi batekin hornitu nahi izan dute; publiko orori zu­zen­dutako kultura eta hez­kuntza-programa bat, alegia. Horri es­ker, hainbat disziplina izango dira museoaren espa­zio­­etan: dantza, musika eta yoga. 

Programa zabala, beraz, Chillida Lekuk udara osorako, eta bereziki, abuzturako pres­tatu duena. Horien artean bi jarduera nabarmendu ditu museoak berak: Chillida eza­gutuz ekimena etxeko txikie­nentzat, gaur hasi eta oste­gu­nera bitarte; eta Sigma Project laukotearen kontzertua, as­teazken honetan, hilaren 7an.

Asteazkenean, musika promenade bat eskainiko du Sigma Project saxofoi-laukoteak museoaren kanpoaldean, iluntzeko 20:30etan.

Chillida eta bere lanak ezagutzeko aukera, lau egunez

Gaur emango zaio hasiera ho­rietako bati. Chillida eza­gu­tuz izenburupean, neska-mutilei lu­zatu diete deia lau eguneko tailer baten bidez Chillida eta bere lanak ezagutzeko. Horre­tarako, Maushaus haurren­tza­ko arte- eta arkitektura-labora­te­giarekin el­kar­la­ne­an arituko da Chillida Leku mu­seoa.  

Chillida Lekutik azaldu du­tenez, «eskulturak ukituko dituzte eta horiek egiteko era­bili diren material eta testura desberdinak esploratu ahal izango dituzte. Gainera, espa­zioak bizi eta bere gorputzekin jolasteko aukera izango dute. Programak irauten duen bi­tartean, eskultoreak erabil­tzen zituen zenbait teknika probatuko dituzte, eta, haren obra ezagutuko dute marraz­ketaren, paperez egindako collagearen, tintaren, buztina­ren eta eskulturaren bidez».

Gaur goizeko 10:00etan ha­siko da tailerra, eta oraindik, plazak libre daude.

Musika promenade bat, kanpoaldean

Abuztuko bigarren jarduera berezia asteazkenean bertan izango da. Sigma Project lau­kotearen eskutik, kontzertu berezia izango da museoaren kanpoaldean, publikoari ateak ixten dizkionean, iluntzeko 20:30etan hasita.

Alberto Chaves, Andrés Gomis, Ángel Soria eta Josetxo Silguero saxofoi-joleek osatu­ta­ko laukoteak 2016an Eduar­do Chillida, Sonoritateak era­kusketaren itxiera-ekitaldian hartu zuen parte Wroclawen (Polonia). Chillidaren obrekin elkarrizketa estua zuen kon­tzertua eskaini zuten, eta es­perientzia horren ildotik izan­go da asteazkenekoa ere.

Oraingo honetan, musika promenade bat eskainiko du taldeak; bere errepertorioa eskaintzeaz gain, beste hain­bat egileren piezak ere es­kainiko ditu, besteak beste,. Sánchez Verdú eta Jesús Torres. 

Musikariekin batera, ber­tan izango da Inés R. Artola, erakusketetako komis­arioa eta musikologoa. Berak, Chi­llidaren eta beste egile ba­tzuen pasarteak irakurriko di­tu piezen artean.

Sarrerak salgai daude www.museochillidaleku.com web-orrian.

Museoa gauez bisitatzeko aukera

Udaran zehar, gainera, mu­seoa bizitzeko beste modu bat jarri dute bisitarien eskura. Ber­tan afaldu eta gauez bisi­ta­tzeko aukera, hain zuzen.