Colindresen izan zuen estropada, larunbatean, Hernaniko Maialen traineruak. ETE Ligako bederatzigarren jardunaldia zen, eta zortzigarren sailkatu ziren hernaniarrak, ostegunean Lekeition bezalaxe. Bere txandan bigarren izan zen (10:42), Isuntzaren atzetik; eta bigarren txandako sei traineruek ere gainditu zuten. Hala ere, Tolosaldea irabazleak 11 segundu besterik ez zizkion atera (10:31).