Txapelarik gabe geratu da Hernani, etxeko torneoan

Maila ederra erakutsi dute es­ku pelotari hernaniarrek, etxe­an, Zikuñaga Papelera Tor­ne­o­an; eta hiru kategorietako finaletan sartu zituzten ordezkariak. Errematea, ordea, ezin izan diote jarri, eta txapelarik gabe geratu da Hernani.

Galdu egin zuen Oiartzabal hernaniarrak, kadete mailan, Pagazpeko Albeniz IIrekin. Pe­ru­rena tolosarra eta Iriarte añor­garra izan ziren gehiago, partidu erabakigarrian (11-22).

Porrota gogorra jaso zuten Salaberria eta Zugasti jubenilek ere, Oiarpeko Aranburu eta Zalakainen kontra. Larrutik or­daindu zuten, hasiera kaxkarra: hamar tanto baino gehiago egin zituzten kontrarioek, beraiek aurrenekoa egin aurretik. Mar­kagailua txukundu bes­terik ezin izan zuten egin hortik aurrera, beraien jo­koa be­rres­kuratu zutenean (10-22).

Eta emaitza berarekin gal­du zuten Urkizuk eta Labakak ere, nagusietan; baina oso bes­telako partiduarekin. Berdin­du­ta joan ziren partiduaren erdialdera arte (10-12), baina hor­tik aurrera, zuzenean egin zuten 22rako bidea, Gaztele­ku­ko Etxezarretak eta Zazpi Itu­rriko Odriozolak.