Zita berezia jarri du gaurko, Ozenki abesbatzak, 50garren urteurreneko ospakizunekin jarraitzeko. Kontzertua antolatu dute, Biteri kultur etxean, arratsaldeko 20:00etan hasita. Eta bertara gonbidatu dute, abesbatza ezagun bat: Vigoko Amadeus korala etorriko da, bertakoekin batera abestera; Ozenkirekin, eta Doinu Zale akordeoi orkestrarekin.
Lehenago ere etorri dira galiziarrak, eta «oso leku berezia» da haientzat. Orduko oroitzapenak berreskuratu nahi dituzte, bisita honekin.
Kontzertuak hiru zati izango ditu: Ozenki eta Doinu Zale ariko dira aurrena, elkarrekin; Amadeusek kantatuko du ondoren; eta azkenik, saioari bukaera emateko, elkarrekin ariko dira bi abesbatzak.