Eguraldi petralak ilundu zuen jai giroa pixka bat, atzokoan, Aranon eta Astigarragan. Baina festak ez du etenik, eta gaurkoan, Santio jaien azkenaurreko egunean ere badute zerekin gozatu... jatekoari dagokionez bereziki!
Izan ere, klasiko arrakastatsu bat izanen dute Aranon, bazkalorduan: arkume jatea eginen dute beste behin, eta musika ere izanen da ondoren, Errebal taldearen eskutik.
Astigarragakoa ez da makalagoa izango: Marmitako Lehiaketa egingo dute aurten ere, eta sukaldatutakoarekin, bazkari ederra gero. Gaur izango da Gazte Bazkaria ere, txoznan. Eta ondoren, batetik zein bestetik, musika jotzen eta kantuan abiatuko dira, herrian barrena: Zutik Elektrotxarangarekin txoznatik, eta danborradarekin Foru Plazatik. Bidean egingo dute bat, eta abesti pare bat ere eskainiko dituzte, guztiek elkarrekin. Horiek ez dira izango kontzertu bakarrak, bereziki musikaz betea baitator eguna, Astigarragan.
ARANON GAUR
11:30, Jubilatuen hamaiketakoa, Kontsejupen.
14:30, Arkume jatea.
Ondoren, Errebal musika taldearen emanaldia.
ASTIGARRAGAN GAUR
10:00, XIX. Iker Ruizen Oroimenezko 3x3 Saskibaloi Txapelketa, kiroldegian, Mundarrok antolatuta. Sariak arratsaldean banatuko dira, finala jokatu ondoren.
11:00, Marmitako Lehiaketa herrikoia, Foru Plazan. Saria: lau lagunentzako otordua, Ibai-Lur jatetxearen eskutik.
11:30-13:30, Game Truck: simulatzaileak, errealitate birtualeko betaurrekoak eta bideo kontsolak. Herri Eskolako atarian.
13:00, Pasai txaranga, Foru Plazan.
14:00, Bazkari herrikoiak:
-Marmitakoa, Foru Plazan.
-Gazte Bazkaria, txoznaren karpan.
16:30-18:30, Game Truck: simulatzaileak, errealitate birtualeko betaurrekoak eta bideo kontsolak. Herri Eskolako atarian.
16:30-18:30, Sexu-Bizi, sexualitate eta harreman osasuntsuak bultzatzeko eta erasoen aurkako informazio eta aholkularitza eskatzeko gune mugikorra. Kale Nagusiko 36 eta 38 zenbakien artean.
17:30, Zutik Elektrotxaranga, kalean zehar, Gazte Asanbladak antolatuta.
17:30, Bingoa, Galtzaur elkartean.
18:00, Herri danborrada, Pasai txarangarekin, Foru Plazatik abiatuta. Kale Nagusia itxita eta zirkulazioa etenda egongo da, Galtzaurreko zubitik hasita, 18:00etatik 20:30etara.
19:30, Errietan taldea, txoznan, Gazte Asanbladak antolatuta.
20:00, Haiek naiz, Rojo Telón konpainiaren zirku ikuskizuna, Apeztegi plazan; euria eginez gero, Herri Eskolako atarian.
23:00, Modus Operandi taldearen kontzertua, Joseba Barandiaran plazan.
23:30, Yakolev 42 taldea, txoznan, Gazte Asanbladak antolatuta.
00:00-01:30, Ana Lea & Maria Blessive disko jartzaileak, Joseba Barandiaran plazan.
02:00, DJ Txankleta, txoznan, Gazte Asanbladak antolatuta.