Bere 50garren urteurreneko ospakizunetan murgilduta jarraitzen du Ozenki abesbatzak, eta beste kontzertu berezi bat antolatu du, biharko.
Izan ere, Vigoko Amadeus abesbatza ezaguna etorriko da Hernanira, eta Ozekirekin eta Doinu Zale akordeoi orkestrarekin batera ariko da, arratsaldeko 20:00etan hasita, Biterin.
Galiziako abesbatzarentzat «oso leku berezia» da Hernani, eta aurretik etorri ziren garaiko oroitzapenak berreskuratu nahi dituzte, oraingoan.
Aurrena, Ozenki eta Doinu Zale ariko dira; gero, Amadeus igoko da taula gainera; eta azkenik, elkarrekin kantatuko dute bi abesbatzek.