Hezkuntzaren arloko eskaera nagusietako bat da Astigarragan, DBHrentzako eraikina egitekoa, herrian bertan. Eta eskaera horren inguruan, lanean ari da herritar talde bat, azkeneko hilabeteotan. Hainbat bilera egin ditu, DBH Astigarraga deitutakoak; eta baita festa bat ere.
Oraingoan, DBHren aldeko argazki erraldoia egiteko jarri dute hitzordua. Gaur arratsaldean izango da, 18:45etan Foru Plazan; eta herritar guztiei luzatu diete gonbitea, bertaratu eta aldarrikapenarekin bat egiteko: «ekarri kamixeta berdea, eta DBHren aldeko aldarrikapenak», eskatu diete.