Ikasturteko azkeneko Plenoak, gaur

Abuztuan geldialdia egin au­rretik, gaur egingo dute ikas­tur­teko azkeneko Plenoa, Asti­garragan eta Hernanin.

Ezohiko deialdian bilduko da, Hernaniko Udaleko Osoko Bilkura, arratsaldeko 17:00etan, udaletxeko Pleno aretoan. Eta bertan eztabaidatu eta era­ba­ki­ko dituzte bi gai, aurreko akta onartu eta ekaineko eta uztaileko dekretuen berri eman ondoren: batetik, Aurrekontua Gauza­tze­ko Arauaren alda­ke­ta, zine­go­tzien ordainsari eta de­dika­zioei dagokienean; eta bes­tetik, ko­mu­ni­kazio arduradun lanpostu bat sortzea Udaleko plan­tillan eta Langileen Lan­pos­tuen Zerrendan.

Hamaika gai lantzeko, Astigarragako Plenoan

Bi ordu beranduago bilduko da Astigarragako Udaleko Plenoa, arratsaldeko 19:00etan, ohiko deialdian. Udaletxeko areto nagusian izango da. 

Uztailaren 2ko Plenoaren akta onartu ondoren, Garbi­ta­nia Zero Zabor sozietate publi­koari buruzko puntua izango dute aurrena, eta Urumeako ibai-parkearen izenari buruz­koa ondoren. Gero, behin be­tiko onarpena emango diete, Udalaren Kontu Orokorrari eta Plan Estrategikoari.

Beste hiru gai garrantzitsu ere badauzkate eztabai­datze­ko: Floreaga bideko obraren in­gu­ruko erreparoa; etxez etxeko la­guntza zerbitzuaren kontra­tuaren esleipena; eta babes­tu­ta­ko etxebizitzetako erabil­tzai­leentzako laguntza zerbitzua­ren kontratuaren esleipena.

Galdera eta eskaerekin itxi­ko dute Plenoa, baina horre­kin ez dira bukatuko gaurko bi­le­rak, Astigarragako Udalean. Izan ere, Plenoa bukatutakoan bilduko da Tokiko Gobernu Ba­tzordea. Eta bertan ere, ma­ki­na bat gai landuko dituzte: San­tiomendi auzoko urbanizazio obren esleipena, Kontxa Lora­te­giaren urbanizazio obraren bigarren kontratazio espe­dien­tea onartzea...