Zikuñagako auzotarrek «oso atsekabetuta» daudela adierazi dute, auzoaren azpiko aldean, Urumea ibaiaren bazterrean, dagoen zikinkeriagatik. «Uda hasi zenetik» nabaritu dute auzotarrek, zaborra pilatzen ari dela. «Eguna pasatzera datorren jendeak, arau zibikoak ahaztu dituela dirudi, eta alde egiteko orduan, zikinkeria eta zaborra bertan uzte dute», salatu dute auzotarrek.
Horregatik, aste honetan zehar garbiketa lanak antolatu dituzte, ostegunetik igandera; uztailaren 25etik 28ra. Eta garbiketa egin bitartean, ingurua itxita egongo da.
Ibaiaren garbiketa egunetan, ingurua itxita egongo da.
Ekimen honetan parte hartu nahi duen pertsona ororentzat zabaldu nahi izan dute gonbitea, Zikuñagako auzotarrek. Antolatzaileek argi adierazi dute, ibaia eta inguruak zaindu egin behar direla: «ez baduzu zainduko, ez zaitez etorri ingurumenaz gozatzera. Zikuñaga eta Urumea ibaia garbi nahi ditugu», azpimarratu dute. Beraz, ostegunetik igandera bitartean, Urumearen egoera hobetzeko, gonbitea zabalduta dago. yy