49 astigartar eta hernaniarrek hartu zuten parte atzo jokatu zen Getaria-Zarautz itsas zeharkaldiaren 49garren edizioan eta punta puntan ibili ziren horietako hiru. 3.100 partaide zeuden izenemanda.
Peru Alfaro hernaniarra eta Astigarragan bizi diren Luis eta Enaitz Goñi aita-seme hernaniarrek lehendabiziko 16 postuetan sailkatzea lortu zuten Pol Gil irabazlearengandik bi minutura. Hirurak talde berean iritsi ziren eta Alfarok zortzigarren amaitu zuen, Luis Goñik hamaikagarren eta oraindik 14 urte dituen Enaitz Goñik 16garren.
Espainiako ur irekietako selekzioaren parte dira Pol Gil eta hirugarren egin zuen Marcos Godoy. Erraz irabazi zuen Gilek eta lau eta hamaseigarren postuan geratu zirenak taldean joan ziren ia zeharkaldi osoan. Enaitz gazteak jarri zuen erritmoa talde horretan eta azkenean ezin izan zion bosgarren postuari eutsi. Hala ere hiru hernaniarrek zeharkaldi bikaina osatu zuten.
Espainiako Kopan Luis Goñi bigarren euskalduna
Larunbatean Zarautz-Getaria-Zarautz zeharkaldi berria jokatu zen. Espainiako Koparako puntuagarria dena eta 5.200 metro egin behar zituzten igerilariek. Luis Goñi hernaniarrak hemen ere hamaikagarren amaitu zuen eta bigarren euskalduna izan zen Zarauzko portuko helmugan. Hemen ere garaipena Pol Gilek lortu zuen Marcos Godoyren aurretik.