Biteriko etxetxoan Urumea bailara ezagutzeko aukera eskaintzen da

AURTENGO udan ere, Donosti­al­dean dagoen eskaintza tu­ris­tikoan, sagardoaren lurral­deak toki bat bereganatu du, bertan egin daitezkeen ekin­tzak eta esperientziak ikustaraziz. Biterin dagoen etxetxora hurbildu eta bertan Behemen­dik eskaintza zabala du. Uru­mea ibaiaren ertzetik doan ibilbidea bizikletaz eginez, sagardo ibaiaren inguruko se­kretuak ezagutzeko aukera pa­regabea dago, Astigarra­ga­raino helduz, sa­gar­­do­aren bi­ho­tzera hain zuzen. 

Sagardoetxean, dastaketa egongo da, sabelak gozo-gozo betetzeko, hala nola; sagardoak, pintxoak...  Eta beste hainbat eta hainbat esperientziez gozatzeko aukera ere badago. Donostiatik Astigarragara ibilaldia bizikletan egin daiteke Urumea ondoko bide gorria jarraituz. Sagar­do­etxean Sa­gar­­­do Muse­oko bisita gidatua ere eskaintzen da, sagardoaren kulturan barneratzeko as­motan, sagastiak bisitatuz eta dastaketa gidatua eginez. Eta etxera itzulera berdin egin daieteke Uru­meak duen bide gorritik. 

   Donostialdeako eskaintza turistikoak zenbait zerbitzu eskaintzen ditu esperientziez gain, hala nola; lau orduko bi­zikletaren alokairua, hartzean ibilbidearen ma­pa eman­go da eta gehienez bi pertsona erreserba bakoi­tzeko eskaintzen da. Ordu­tegiari dagokionez as­teartetik larunbatera bitartean 10:00­etatik 15:00etara da­go. Igande eta jai egunetan 10:00etan. Eskaintzen den zerbitzuen ira­u­pena, lau ordukoa izango da. 

Urrira arte dago eskaintza

Ekainean eman zitzaion ha­si­era eskaintza kultural honi, eta urrira arte iraungo du. Orain­dik udako planik izan ezean, Sagardo lurraldea ezagutzeko gonbitea irekia da.