HERENEGUN egin zieten harrera Hernanira uda pasatzera etorri diren bost haur sahararrei, udaletxean. Errealitate berri bat ezagutzeko aukera izango dute Jadya Brahim Salem Hanafi (11 urte), Hayat Salma Bad (12 urte), Fatma Mohamed-Moulud (9 urte), Mansur Moh-Ali Moh Ahmed (10 urte) eta Said Ahmed Moh Salemek.
Aurten bisekin arazoak egon dira eta 2.000 haur saharar beranduago iritsi dira gurera. Hala ere uste baino beranduago, baina «ongietorriak, Hernanira» eman zizkien Xabier Lertxundi alkateak. Moh Ahmed eta Said Ahmed lehenengo aldiz etorri dira eta beste hiruak aurretik ere egondakoak dira. Hartzen dituzten familiak ere Udalean egon ziren eta Xabier Lertxundik eskerrak emateko aprobetxatu zuen. «Hernaniko famili hauei esker etortzen dira haur hauek, bestela ez lukete aukera hori izango». Txantxetarako tartea ere egon zen, bost saharar haurrak Eibar futbol taldeko kamisetekin bait zeuden. «Hernanin ere baditugu taldeak kirol desberdinetan» aipatu zuen alkateak eta ondoren lunch eder batez gozatu zuten denek. Abuztuaren 23 eta 24ra arte egongo dira eta hilabete osoa dute bertan gozatu eta leku desberdinak ezagutzako.