Eraso sexista leporatuta 22 urteko mutila atxilotua

JOAN zen larunbatean eraso matxista bat gertatu zen Her­nanin eta Ertzaintzak 22 ur­te­ko gizon bat atxilotu du za­ha­rren egoitzako emakume bati sexu erasoa egitea lepo­ratuta. Adineko pertsonak zaintzeko erietxe egoitzako arduradunak Ertzaintzari jakinarazi zionez, larunbatean gizon bat zen­tro­an sartu zen eta emakume ba­ti ukituak egin omen zizkion. Emakumeak mugikortasun ara­zoak ditu. 

Biktimak laguntza eska­tzeko txirrina jo zuen eta gi­zonak presaka ihes egin zu­en. Ertzaintzaren eta  Udaltzain­go­aren iker­ke­tari es­ker, ustezko era­so­tzai­lea atxi­lotu zuten igan­de goi­zean. On­doren epai­learen au­rre­ra era­man zuten. Era­so­aren be­rri izan bezain las­ter, Indar­keria Matxista jasan du­ten emaku­meei arreta ema­teko era­kun­deen arteko Proto­koloa akti­ba­tu zen. 

Udalaren eta Foru Aldundiaren babesa 

Hernaniko Udaletik  elkar­tasun eta babes osoa adierazi diote erasotua izan den ema­kumeari eta haren senideei. Eta adierazpen horrekin bat egin du Gipuzkoako Foru Al­dun­diak. «Eraso sexis­ta hau era­bat gaitzetsi eta sa­latzen dugu, emakumeen as­ka­ta­su­naren aurkako erasoa de­lako, eta beraz, guztion aur­kako era­soa delako. Jendarte ma­txis­ta honen aurka lan egi­tea denon ardura da». Erasotuari ez ezik, adine­ko­en egoitzaren egoilar guztiei ere babes osoa eman nahi da, eta «bereziki egoi­­tza­ren langileei eskerrak eman izan­­dako aktuazio az­kar eta profe­sio­nala­ren­gatik». Segur­tasun neu­rriak ere zo­rroz­­tuko di­ra.