Txapelarik gabe bueltatu zen Endika Barrenetxea hernaniara, San?Fermin Torneoko finaletik. 40-38 galdu zuen, Ansa II urnietarrarekin batera, Ezkurra II eta Endikaren kontra; eta beraz, iazko txapeldunek errepikatu zuten garaipena.
Ez zioten ondo ekin partiduari urdinek, Ansak bereziki; akats ugari pilatu zituen urnietarrak. Horrela, bost-sei tantoren aldea hartu zuten gorriek, 29-20 jartzeraino. Baina bukaeran, erreakzionatu egin zuten Barrenetxeak eta Ansak. Atzean nagusi izan zen hernaniarra, eta urnietarrak hobeto astindu zuen pelota. 29-27 eta 33-31 gerturatu ziren, eta gorriek berriro ihes egin bazuten ere, azkeneraino izan zuten irabazteko aukera, tanto bakarrera jarrita (38-37 eta 39-38). Azkeneko tantoa, ordea, Ezkurra IIk eta Endikak lortu zuten, txapelak janzteko.
Ez zen partidu distiratsua izan, baina tanto ederrak eta emozioa izan ziren bukaeran.