Euskal Herriko finalaren bila, Astigarraga

Haundia egin zuen Astigarra­gak, Gipuzkoako Herriarteko Txa­pelketa irabazita. Eta lor­pen horrek, aukera eman die orain, Euskal Herriko Herriar­tekoa lehiatzeko.

Horrela, bihar daukate zita, semifinala jokatzeko: Zeanuri izango dute aurrean, Bizkaia­ko txapelduna, Zumarragako Beloki frontoian, 11:00etan.

Astigartarrek espero dute, oraingoan ere herritar ugari joatea, animatzera; eta gauzak errazteko, autobusa antolatu dute: goizeko 09:45etan abia­tu­ko da, Pelotari kaleko auto­bus geltokitik. Horretarako, txartelak salgai daude Ikatza tabernan, 5 euroan.

Beste semifinala, gaur ber­tan jokatuko dute, Doneztebek eta Laguardiak; Nafarroako eta Arabako txapeldunek. Zuma­rra­gan ariko di­ra haiek ere, gaur 19:00etan. Bi semi­fi­na­len ira­bazleek, hilaren 21ean joka­tu­ko dute finala, toki berean.

Hiru partidu gaur, Hernanin

Bestalde, gaur izango du segida, Papelera Zikuñaga Torneoak, Hernaniko kiroldegiko fronto­ian. Hiru partidu jokatuko dira, goizeko 11:00etan hasita. 

Aurrena, ka­de­­teetan, Oiar­tza­bal eta Albeniz hernania­rrak ariko dira, Oiarpeko Etxe­be­rria eta Olaizen kontra; gero, ju­be­­niletan, Lasa hernaniarra eta Pagazpeko Galarraga, Alde Za­ha­rrako Osoro eta De Pazen kontra; eta azkenik, nagusie­tan, Urkizu eta Labaka herna­nia­rrak, Ariz­mendi eta Altuna herrikideen kontra.