PSE-EE alderdi politikoak Erabaki Hernani, aurrekontu parte-hartzaile prozesua uztea erabaki du, EAJ-PNVren ildo beretik segita. Alderdi sozialistak ere argudio eta arrazoi berdina eman du: «Hernaniko Gobernu Taldeak ez ditu onartzen prozesu parte-hartzailean atez ateko bilketa berplanteatzen duten proposamenak.
Honela, Ricardo Crespo Hernaniko sozialisten bozeramaileak, azaldu du pasa den asteko asteazkenean herritarren proposamenak aztertzeko bilera egin zela eta EH Bilduk, beste urte betez, baztertu egin zuen hondakinen bilketaren inguruan zeuden herritarren bi proposamen. «Leheneste fasetik eta ondorengo hernaniarren aukeratzeko bozkaketatik alboratu dute. Honen aurrean, sozialistok prozesua utzi eta ez parte-hartzea erabaki dugu».
«Prozesu parte-hartzailea fiktizioa da. EH Bilduk gustatzen ez zaizkion proposamenak kentzen ditu»
Cresporen arabera «EH Bilduren jarrera unilateralak herritarren borondatea mugatzen du. Ulertezina da Udal Gobernuak gustoko ez duen proposamena edo aurka dagoena, alboratzea, herritarrek bere iritzia eman dezan ez utziz».
Bozeramaileak adierazi du «dezepzionatua» dagoela aurrera eramaten ari diren prozesu parte-hartzailea «fiktizioa» delako. «Herritarrei gonbidatzen zaie erabakietan parte-hartzea eta hala eta guztiz, EH Bilduk bere gehiengo osoa erabiltzen du bere iritzi politikoen aurka doazen proposamenak kentzea».
Buruzagi sozialistak arau eta formula batzuk jartzea iradoki du alderdi guztien artean adostutakoak.