giro ezin hobea izan zuten atzo Martindegiko San Ferminetan: ez bero, ez hotz, ez euri... horrek jendea animatu zuen festan parte hartzera. Zezentxoen aurrean pase ederrak egin zituzten batzuek atzo arratsaldean; eta parranda luzea besteek, gauean. Eta haiei bezala, kostako zaio esnatzen, San Fermin jaietako azkeneko egunari. Herri kirol saioarekin hasita, eguerdian, bata bestearen atzetik etorriko dira ekintzak.
Ikustekoa izango da, aizkoran, Iker Vicentek jokatuko duen lehia, Suharri Paolla eta Ibai Soroa bikotearen kontra. Baita Inhar Urruzuno harrijasotzailearen erakustaldia ere.
Eta belarriak goxatzeko modukoak Amets Arzallus, Aitor Mendiluze eta Miren Amurizaren bertsoak, trikitilari gaztetxoen doinuak, eta Eider eta Lierni Tolosa ahizpek eskainiko duten erromeria. Gorputza mugitu nahi duenak, aukerarik ez du faltako!
Elkarrekin kalejiran bukatuko dituzte jaiak, iluntzean.
MARTINDEGIKO JAIAK
GAUR, igandea
12:00, Euskal Festa.
Aizkolariak: Iker Vicente batetik, eta Ibai Soroa eta Suharri ?Paolla? bikotea bestetik, lehian.
Harrijasotzailea: Inhar Urruzuno
13:00, Bertsolarien saio berezia: Aitor Mendiluze eta Amets Arzallus.
18:00, XXIII. Trikitilari Gaztetxoen Txapelketa.
18:00-19:00, Toka txapelketa nagusia (Gurutzeta sukaldeak antolatuta).
Jarraian, Bertsolarien bigarren saioa: Amets Arzalluz, Aitor Mendiluze eta Miren Amuriza.
20:00, Erromeria, Eider eta Lierni Tolosa ahizpekin.
Ondoren, Kalejira auzoan barrena, festei bukaera emateko.