Kronikak antolatutako argazki lehiaketan parte-hartzeko aukera izan zuten hernaniarrek, joan den San Joanetan. Bi kategoria bereizi ziren, helduen eta gaztetxoen maila. Horrela, irabazleak bi izan dira: Iñigo Arizkorreta, helduenean eta Xabi Kerejeta, gazteenetan.
Axeria protagonista, Arizkorretaren argazkian
Helduen mailan Xabi Arizkorretaren axeria irten da garaile, 49 botorekin. Irudian Axeri Dantzako axeria ageri da, maxkuria eskuetan duela.
Eta bigarren Aitor Urkia irten da, 25 botorekin. Honen irudian, emakumeak ageri dira Kantaitan, San Joan suaren inguruan.
Akelarreko ipotxak garaile, Kerejetaren irudian
Gaztetxoen kategoriako argazki irabazleak 50 boto jaso ditu. Bost ipotx ageri dira, irrifartsu, maxkuria eskutan dutela Akelarreko dantza imitatzen.
Sariei dagokienean, helduen mailan aurrenekoarentzat, sei botila ardo, Viña Ardanza Reserva; eta bigarrenarentzat, beste sei botila ardo, Finca San Martin, denak Irizar Ardoakek jarriak. Gaztetxoen mailan, Latxe aldizkariko urtebeteko harpidetza izango da saria, Kronikaren eskutik.