Leheneste fasea etzi abiatuko da

Erabaki Hernani Decide 2020 aurrekontu partehartzaileen prozesuaren bigarren fasea abia­tuko du Udalak etzi, aste­lehenean, lehe­nes­teari dago­kiona. Batzorde Poli­tikoaren ku­de­a­ketari, esku­me­nei... da­goz­­kionak kenduta, 210 propo­samen aztertuko dituzte herri­tarrek leheneste fasean.

Lau saio izango dira astelehenetik ostegunera

Aurreko bost urteetan beza­laxe, aurten ere saio irekien bi­dez egingo da lan hori. Horre­tarako, lau saio izango dira da­torren astean zehar; horietan, ondorengo gaiei dagozkien proposamenak landuko dira:

Etzi, mugi­kortasuna eta iris­ga­rritasuna, gazteak, herri­ta­rren parte-har­tzea.

Uztailaren 9an, asteartean, hirigintza eta obrak, kultura eta ondarea, zerbitzu sozialak.

Uztailaren 10ean, asteaz­kenean, udal zerbitzuak, toki­ko jarduera ekonomikoa, jar­du­era fisikoa eta kirola.

Uztailaren 11n, ostegunean, auzoetarako proposamenak, in­gurumena, berdintasuna, kul­tu­rartekotasuna eta elkar­bizitza, heziketa.

Udaletxean 19:00etan eta haur zaintza zerbitzua

Saio irekiak udaletxeko areto nagusian izango dira, 19:00­etan hasita. Herritar oro gon­bi­datuta dago bertan parte hartu eta 2020ko udal aurrekontuko 500.000 euro zertan inber­ti­tuko diren erabakitzera. Lehe­nesteko lau saioetan haur zain­tza zerbitzua egongo da.  Partaidetza@hernani.eus helbide elektronikora idatzi dezake behar duenak.