San Fermin Torneoan etzitik, Barrenetxea

Urtero bezala, Iruñako San Fermin jaiei hutsik egin gabe, Galarretatik Huarteko Euskal Jai Berrira egingo dute salto erremontistek, egun batzue­ta­rako. Izan ere, etzi hasiko da, astelehenarekin, San Fermin Tor­ne­oa, Iruñako Peñen Fede­ra­zio­ak antolatuta.

Zortzi erremontista ariko dira lehian, lau bikote osatuz, eta horien artean da Endika Barrenetxea hernaniarra ere. Ansa II urnietarrarekin ariko da bera. Semifinaletan hasiko da torneoa: aurrenekoa aste­le­henean, eta bigarrena aste­ar­tean; eta finala, bi bikote ira­­bazleen artean, oste­gu­ne­an jokatuko da. Hiru egunetan, ja­ialdiak arratsaldeko 16:30etan hasiko dira, Euskal Jai Berrin.

Horrela, astelehenean ber­tan ari­ko dira Barrenetxea IV eta Ansa II, Uterga eta Ionen kontra; eta asteartean, joka­tu­ko dute Ezkurra II eta Endi­ka iazko txapeldunek, Urriza eta Etxeberria IIIren kontra.

Etxeberria IIIk, azkeneko aldia San Ferminetan

Etxeberria IIIk, hain justu, az­kenekoz jokatuko du San Fer­min Torneoa, egun hauetan. Doneztebarrak adierazi du, «egun bereziak» izango direla berarentzat.