Kronikak antolatzen duen San Joanetako XII. Argazki Lehiaketan, dagoeneko bozkatu daitezke, partehartzaileen argazkiak. Aurreko egunetan, arazo teknikoak tarteko, ezin izan da bozkatu; baina dagoeneko konponduta daude, eta https://labur.eus/H70Ok web orrian eman daiteke botoa, argazki gustukoenen alde.
Bertan ageri dira, bozkatu daitezkeen argazkiak, eta erraza da botoa ematea. Bi argazki aukeratu behar dira: bat helduen mailan, eta bestea haurren kategorian.
Erantzuteko epea, datorren ostiralean bukatuko da, hilaren 5ean, eguerdiko 12:00etan.
Bi kategoria, eta hiru sari
Argazkiak, bi kategoria ezberdinetan daude sailkatuta, eta bakoitzetik gustukoena aukeratu behar da. Izan ere, bietan izango dira sariak. Bi sari banatuko dira helduen kategorian: irabazleari, sei botila ardo, Viña Ardanza Reserva; eta bigarrenari, beste sei botila ardo, Finca San Martin. Bi sari horiek, Irizar Ardoakek jarri ditu.
Eta haurren mailakoa da, hirugarren saria: Latxe aldizkariko urtebeteko harpidetza, Kronikaren eskutik.