Liztor asiatikoaren erreginek negua hibernatzen igaro ondoren, neguko ezkutalekutik atera dira eta habi berriak egiteari ekin diote. Hasierako habi horiek (primarioak) ez dituzte zuhaitzetan egiten, leku babestuetan baizik: teilatu-hegal azpietan, ganbaretako sabaietan, balkoietako sabaian, pertsianen kaxetan.. Hasierako habi hauen sarrera azpialdetik da, eta ez albo batetik, haundietan gertatzen den bezala.
Habi txikiak kentzeko ez da baliabide asko behar
Habi hauek kentzeko ez da baliabide haundirik behar, txikiak baitira eta liztor gutxi baitaude bertan. Zenbat eta horrelako gehiago kendu, orduan eta bestelako baliabide gutxiago erabili beharko dituzte udan eta udazkenean.
Orain arte zazpi habi txiki kendu dira eta ikusiz gero 943 24 89 00 zenbakira deitu
Momentuz zazpi habi txiki kendu dira Hernanin, herritarren abisuei esker.
Herritar bakoitzak bere ingurua aztertzen badu eta ikusten duenaren berri ematen badu, denon mesedetarako izango da. Habi txikiak ikusiz gero Udaltzaingora deitu: 943 24 89 00.
Bikoiztu egin dira urte betean agertutako habiak
2018an 2017an baino habi kopurua bikoitza azaldu zen. 2017an %70 landalurrean azaldu ziren, %25 herrian eta %5 industrialdeetan. 2018an berriz, %43 landa eremuan, %43 herrian eta %14 industrialdeetan.
Gero eta urbanoagoak dira. Izan daiteke tenperaturarengatik, janaria errazago lortzen dutelako, beste espezieekin (Vespa crabro edo liztortzarra) lehia gutxiago dutelako herrigunean...
2018ko DATUAK
- 31 primarioak.
Balkoi, terraza edo leihoen sabaian: 10.
Garaje, txabola, teilapean: 9.
Teilatu-hegalean: 8.
Hormaren zuloan: 2.
Landaretzan: 1.
Balkoiko altzarietan: 1.
- 91 bigarrenak:
Zuhaitzetan: 61;
Platanondoa: 21.
Lizarra: 7.
Sasiakazia: 4.
Sagarrondoa: 4.
Haritza: 4.
Gaztainondoa: 4.
Altza: 3.
Pinua: 3.
Akazia: 2.
Intxaurrondoa: 2.
Gereziondoa: 1.
Magnolia: 1.
Sahatsa: 1.
Udarondoa: 1.
Biltegi, etxolen sabaian: 8.
Teilatu-hegalean: 5.
Balkoi, terraza edo lehioaren sabaian: 6.
Atearen gainean: 2.
Belar artifizialaren bilkarian: 1.
Hormaren zuloan: 1.
Sasien artean: 1.
Ukuiluko sabaian: 1.
Landaretzan: 1.
Argindar postean: 1.
Untxien kaiolan: 1.
Zubian: 1.
- Zein eremutan azaldu dira:
Herrigunean: 52.
Landa eremuan: 52.
Industrialdeetan: 15.