Hernani Erabaki parte hartze prozesuan proposatu zen, lehengo urtean, institutuko ikasleekin erreka garbitzeko eguna jartzeko. Proposamena onartu egin zen, eta baita bete ere.
Ikasturtea auzolanean agurtu dute, horrela, Institutuko DBH3ko ikasleek. Pasa den astean, azken klase egunetan aritu ziren Urumea errekan garbiketa lanak egiten. Lanak bukatuta, Plazan jarri zen ateratako zabor guztia, denen bistan, kontzientziak pixka bat astintzeko. Beste saio bat egin behar ez izatea da, helburua.