Uztailean sartzearekin batera hasiko dira Ereñotzuko goizetako udalekuak. Astean hirutan elkartuko dira haurrak: uztailaren 2an hasi eta 26ra arte, astearte, ostegun eta ostiraletan. Uztailaren 25a jai-eguna izango da, eta astearte horren partez, asteazkenarekin, hilaren 26an bukatuko dira.
Hiru taldeentzat, dozenaka ekintza
Denera, 37 haurrek eman dute izena goizetako udalekuetan, eta hiru taldetan banatuta ariko dira.
Goizeko 09:15etatik eguerdiko 12:45ak arte izango da aukera, goizeko udalekuetan ibiltzeko.
Elkartzeko hitzordua goizeko 09:15etan jarri da, eta eguerdiko 12:45ak arte ariko dira. Ekintzak, berriz, mota guztietakoak izango dira; batzuk, auzoan bertan egitekoak, eta beste batzuk, inguruko herrietan. Horrela, besteak beste, herri kiroletan edota bolotan ibiltzeko aukera izango dute; errekara edota Hernaniko igerileku irekietara joango dira; piraguismoa edota eskalada probatzeko aukera izango dute; gurpil eguna, ur festa eta altxorraren bila ere egingo dituzte. Ondo pasatzeko aukerarik ez dute faltako, behintzat, ereñotzuarrek.