Bederatzi hilabete luzez Hernaniko ertzain etxeko Garbialdiko langileak greban egon dira eta astearte gauean iritsi ziren akordiora enpresarekin. Gipuzkoako epaitegi eta komisaldegietako langileak zeuden greban. Beraz, langileek bertan behera utzi dute iazko irailean hasi zuten greba. Sindikatuek atzo eman zituzten soldaten bilakaerari eta soldata arrakalari buruzko xehetasunak.
ELA sindikatuak salatu zuenez, eraikin judizialetako langileek kaleko garbitzaileek baino %7 gutxiago irabazten zuten, eta polizia etxeetakoek, %13 gutxiago. Kalekoen aldean, epaitegietakoa eta ertzain etxeetakoa sektore feminizatuagoa dela nabarmendu zuen sindikatuak: %95 dira emakumeak ?kalean, %80 gizonak?.
?Zaintza martxa?-n erresidentzietako langileek
Bestetik, Gipuzkoako hamaika eskualde zeharkatzen ari dira Gipuzkoako erresidentzietako langileak, baita Hernanikoak ere sei etapetan. Astelehenean hasi zuten Zaintza martxa eta larunbatean amaituko dute. Gaur, laugarren etapan Eibarren irten eta Elgoibarrera iritsiko dira. Kalitatezko zaintza eredua aldarrikatzen dute. Langileek 70 egun daramatzate greban hitzarmenaren alde.
Grebalariek emakume izateagatik pairatzen duten soldata arrakala salatu dute martxaren hasieran. Gipuzkoako zahar-egoitzetako eta eguneko zentroetako 5.000 langileren lan baldintzak arautzeko negoziazioaren defentsan ari dira. 2017an hasi zen negoziazioa; gaur egun, oraindik ere, egoera hankaz gora dago.