Astigarragak larunbatean jokatuko du Gipuzkoako Herriarteko txapelketako finala Atano III frontoian, Donostian, 16:30etatik aurrera, Azpeitiren aurka. Dagoeneko finaleko sarrerak salgai daude Ikatza, Txiki eta Sagartxon. Lehenengo solairuko sarrerek 5 euro balio dute eta kantxakoek, berriz, 10 euro. Bestetik, Petritegin finaleko afaria antolatu da. Aipatutako tokietan eman behar da izena eta sagardotegian, bertan ordainduko da; 25 euro helduek, eta 11, haurrek.