Arrate Bergara eta Nora Mendizabal, emakumezkoetan, eta Oberena, gizonezkoetan, izan ziren aurtengo Berria pilota txapelketako garaileak Hernaniko frontoian. Bergara eta Mendizabalek 22-10 hartu zituzten mendean Miriam Arraiza eta Amaia Aldai. Oberenak, berriz, pasa den urteko arantza atera zuen, orduko final berdina egokituta, oraingoan Tolosa gainditu baitzuen 2-1. Hirugarren partiduan erabaki zen lehia, eta hor nafarrak hobeak izan ziren.
Jaialdia emakumezkoen finalarekin hasi zen. Hamasei urtean, aurreneko aldiz jokatu zen. Beraz, Bergara eta Mendizabal lehenengo txapeldunak dira.
Mutilen kluben artekoan, Tolosa hasi zen irabazten, baina jubenil eta nagusietan buelta eman zioten finalari nafarrek.