Aurreko urtean kexa azaldu zuten Anastasia Leunda artisauaren lagunek. Adierazi zuten, Hernaniko Udalak murriztu egin ziela Leundaren lanen erakusketa jartzeko ordutegia, eta ez ziela euskarririk utziko, lanak jartzeko.
Aurten, ordea, beste kexa bat aurkeztu dute: «Udalak debekatu egin du Hernaniko amona Anastasiaren artisau erakusketa egitea herriko jaietan. Ez daukate lotsarik!», adierazi dute.
Zentzu horretan, gogorarazi nahi izan dute, Anastasia Leundak bi kutxa oparitu zizkiola Udalari, duela 20 urte, «eskuz egindako artilezko jantziz eta umeentzako jostailuz beteta». Urtero jarri izan dute erakusketa, artilez edota ezkurrez egindako pitxi eta jantziekin, udaletxeko arkupeetan. 2015eko azaroan hil zen Anastasia Leunda.