Jai gozagarri, seguru eta parekideen alde guztion konpromisoa eskatzen da

Ostegunean bildu ziren Tilosetan Bilgune, Udala, Berriak Elkartea, taber­nariak eta Txosna Batzordea herri jai pare­kideen alde, guztion konpromiso deia eta adierazpena egiteko. Maitane Ba­rre­netxea, Bilguneko kideak azaldu zuen aurtengo aldarrikapena. «Her­naniar guztiak animatu nahi ditugu ikusten eta jasaten dituzten eraso guz­tien berri ematera, salatzera. Erasoa ikusaraztea; ikusaraztea eta gaia ez­tabaida publikora ekartzea ezin­bes­tekoa baita ondoren jendartean eral­daketa bilatzeko». 

Aurten gainera berrikuntza bat dago. Erasoen kontrako telefonoa dago. Txotx garaian eskainitako zerbitzuaren ideia hartuta, aurtengo San Joanetan telefono zenbaki bat egongo da 24 orduz erasoak salatzeko, edota erasoen aurrean laguntza eskatzeko. Horrez gain, gaur eta ekainaren 25ean Plaza Berrin informazio gunea jarriko dute. Telefono zenbaki hori 688 685 164 da eta Emagin Elkarte Feministaren arreta zerbitzua da. Bilgune Feministako txosnan eta Udaltzaingoan ere erasoen berri eman daiteke. 

Barrenetxeak aurkezpenean azaldu zuen festak gizarte baten nortasunaren adierazle dirala. «Jendarte ordena erre­produzitzen dute, egungo hierarkiak, botere harremanak, rol banaketak... egu­nerokoan ematen diren zapal­kun­tza eta diskriminzioen adierazle oso ­na­bar­menak dira. Horregatik, jendar­tean eman nahi ditugun aldaketak ere herriko festetan isla izan behar dute, jaietan ere kultura birsortu eta alda­tze­ko gaitasuna dugulako». 

Horregatik jaiak denontzako eta seguruak izatea nahi dute. «Hori da gure aldarrikapena aurtengoan ere. Era­soak sarriago gertatzen dira eta ho­rren aurrean esan nahi dugu ez dugula onar­tuko jaiak erasotzaileen eta diskri­minatzaileen aterpe bilakatzerik, kon­tsumo ezberdinen justifikazio eta aitza­kipean». Hori horrela, her­na­nia­rrei es­katu diete, «herri bezala» eta auto­de­fentsa feministarekin eran­tzu­teko, era­so sexisten aurrean. «Erasoen kontrako protokoloa ere egongo da tabernetan eta txosnetan. Komunetan ere kartelak jarriko dira prebentzio bezala»

Eta oihu bat ere egin dute: «jaiak ere borroka esparru direlako, ez dugu eraso sexistarik onartuko, ez txos­na gunean, ez tabernetan, ez kalean, ez inon».