Gaur Elkartasun eguna izango da, goizeko 11:00etatik gaueko 23:00ak arte. Antolatzaileek adierazi dute Hernanik badituela 19 lagun, oraindik espetxean daudenak, eta haien omenez, Elkartasun Egun hau sortzearen beharra ikusi dutela.
Egunari haseira emateko, Mus Txapelketa azkarra egingo da. Izena emateko, Garinen 10 euro ordaindu beharko dira, bikoteko. Eguerdi aldera, Brindisa egingo da, bazkaldu aurreko poteoarekin batera.
Bazkaria eguerdiko 14:30etan hasiko da, Plaza Berrin. Tiketak Garinen egongo dira salgai, 22 eurotan, eta haurrena 5 eurotan. Sarre-rarekin, kamixeta ematen dute opari. Bazkal ostean, bingo herrikoian jokatzeko aukera izango da.
Atsedenaldi bat izango da arratsalde partean, eta 19:00etan berriro martxa hartuko da. Poteo musikatua egingo da kaleetan barrena eta bitartean, kale animazioaz gozatzeko aukera ere izango da. Gaualdera, Plaza Berrin, afariak emango dira. Eta Elkartasun Eguna gogotsu amaitzeko, 23:00etan, herri mugimenduaren txupinazioa egingo da. Deialdia irekia da herritar guztientzako.