Gaur jokatuko dira Berria Txapelketako finalak, 17:00etan hasita, Hernaniko kiroldegian. Aurten, XVI. edizioa den honetan, aurrenekoz ari dira emakumezkoak ere jokatzen, eta haien arteko partidua izango da aurrenekoa. Pasa den asteburuko finaledietan Arrate Bergara eta Nora Mendizabal izan ziren garaile, 22-17, Naroa Agirre eta Leire Garairen aurrean; eta Miren Arraiza eta Amaia Aldai, 22-20, Ane Mendiburu eta Olatz Ruiz de Larramendiren aurrean; gaurkoa izango dute finala. Gizonezkoetan, berriz, pasa den urteko final berdina errepikatuko da: Tolosa eta Iruñeko Oberenaren artekoa. Izan ere, finalerdietan Oberenak Lazkaoko Lapkeri irabazi zion 3-0; kadete, jubenil eta seniorretan. Era berean, Tolosak Azpeitiko Ilunpe garaitu zuen 2 eta 1.