XXI. San Joan waterpoloko txapelketa jokatuko da kiroldegiko igerilekuan, eguerdiko 13:00etan, Waterpolo taldeak antolatuta. Aurrena, infantilen mailako partiduak jokatuko dira: Easo, WP Donosti eta Fortuna ariko dira lehian, eta azken talde honetan hartuko dute parte hernaniar batzuk ere. Hauek bukatuta, 15:00etatik aurrera senior mailakoen txanda izango da: Easo, WP Donosti, Fortuna eta Hernani ariko dira aurrez aurre. Azkenik, nesken kategoriako partidu bat jokatuko dute Hernaniko bi taldek elkarren kontra, kanpoko talderik ezin izan baita etorri.