GAUR jokatuko da lehenengo aldiz Emakumezkoen Errugbi Zazpiko Txapelketa, Landaren.
Goizeko 10:30etatik aurrera, Hernaniko Errugbi Elkarteak antolatuta, lau taldek hartuko dute parte txapelketan. Zelai barruan izango dira hernaniarrak, Iruñeako La Unica Rugby Taldea, Bera Bera Rugby Taldea eta Ordizia Rugby Elkartea.
Partiduak bukatzean elkarrekin bazkalduko dute bertako elkartean. Ondoren, San Joanen giroan sartzeko herrira igoko dira kalejirarekin batera.
Laguntzaileak
Txapelketa aurrera eramateko izan diren laguntzaileak herriko sei taberna, harategi, sagardotegi, okindegi eta barazki denda izan dira: Zintzarri, Apeadero, Pineda Harategia, Itxas-Buru Sagardotegia, Arriatzu Barazkiak eta Antziola okindegia.