Hilabeteetako prozesuaren ondoren, atzo aurkeztu zuten jendaurrean Gaztelekuko logo berria.
Pasa den urteko azaroaren 20an, Haur eta Nerabeen Egunean gazteek egindako proposamena izan zen logoa berritzea, eta proposamenak jasotzeko epe bat jarri zen. Ondoren, gazteek izan dute aukera baten aldeko botoa eman eta hori hobetzeko proposamenak egiteko ere, eta azkenean, 19 urteren ondoren, logo berritua izango du aurrerantzean.
Udarako programari, hasiera
Festa giroan, koktail eta txapa tailerrarekin batera aurkeztu zuten atzo logoa, eta astelehenetik aurrera, udarako programari emango diote hasiera.
Batetik, ordutegia aldatuko da: 11:00etatik 14:00etara irekiko da, irteera egunetan izan ezik, eta asteburuetan itxita egongo da. Astelehenean izozki tailerrarekin hasiko dira; asteazkenean eskulanak egingo dira; ostiralean slack line; eta astearte eta ostegunean, irteerak.