«Denok soka berari tiraka lortuko dugulako», Elkartasun Eguna antolatu dute bihar, Hernaniko eragile ezberdinek. Horrela, elkartasuna erakutsi nahi diete, herriko festak «ehundaka kilometrora, bahituta, pasa beharko dituztenei».
Egun osoko egitaraua prestatu dute, goizeko 11:00etan hasi eta gauera arte. Mus Txapelketa Azkarrarekin hasiko dute festa, herri bazkaria ere egingo dute, eta herri mugimenduaren txupinazoarekin bukatuko dute eguna. «Denok gara beharrezkoak, biharko ekintzetan», adierazi dute.
BIHAR, larunbata
11:00, Mus Txapelketa Azkarra. Izenematea Garinen, 10 euro bikote bakoitzeko.
13:30, Brindisa.
14:30, Herri bazkaria, Plaza Berrin. Txartelak Garinen: helduek 22 euro (kamixeta opari), eta haurrek 5 euro.
Ondoren, Bingo herrikoia.
19:00, Poteo musikatua eta kale animazioa.
Iluntzean, Afariak, Plaza Berrin.
23:00, Herri mugimenduaren txupinazoa.