Maiatzaren 30ean eman zion hasiera Udalak aurtengo Hernani Erabaki aurrekontu partehartzaileen prozesuari. Seigarrenez, hernaniarren esku utzi ditu Udalak 2020ko udal aurrekontuaren 500.000 euro.
Astelehenera arte egin zuten aurreneko fasea, ordura arte egin ahal izan ziren proposamenak, eta fase horren berri emango dute gaur, aurkezpen irekian.
Arratsaldeko 19:00etan hasita izango da, udaletxeko areto nagusian. Herritarrei irekia izango da.
Lehenestea, hurrengo fasean
Aurkezpenean bertan, hurrengo fasearen nondik norakoak ere azalduko dituzte. Uztailaren 8tik aurrera egingo dituzte leheneste-faseko bilerak eta orduan erabakiko da zein proposamen pasako diren teknikarien baloraziora.