Urumea Herri Guneak antolatuta, Harro! plataformaren aurkezpena izango da bihar, Txosnagunean. Arratsaldeko 19:00etan hasita izango da, eta eguraldiak okerrera egiten badu, Herri Gunean bertan egingo dute.
«Esparru politiko koherente eta kritikoak sortzeko eta elkar sostengatuz eta koordinatuz erantzun material bat emateko beharretik»
Transmaribibollo plataforma
Euskal Herriko LGTBI kolektiboko hamar kidek eta hainbat milintantek sortutako plataforma da Harro!. Plataforma, hainbat taldek osatzen dute, besteak beste: EHGAM, Hiruki Larroxa Kolektiboa, Guztiok, Ozen, Intifada Marika, Sare Lesbianista, Iris Proiektua, Euskal Hartzak eta Lumagorri taldeek. Tartean, gainera, hernaniarrak edo Hernanirekin lotura dutenak badaude.
Haiek azaldu izan dutenez, «esparru politiko koherente eta kritikoak sortzeko eta elkar sostengatuz eta koordinatuz erantzun material bat emateko beharretik» sortu den plataforma da. Eta asmoa da «kide garen elkarteen ekintza partikularrak batzea».
Hain justu, horren guztiaren inguruan arituko dira bihar Txosnagunean. Izan ere, Euskal Herri osorako sortu duten proiektua da.