San Joanen atarian, Axeri Dantzari buruzko DVDa aurkeztuko du Dobera Euskara Elkarteak. Bihar izango da, arratsaldeko 19:00etan, Biteriko areto nagusian.
Dobera Euskera Elkarteak, duela urtebete, atera zuen DVDa, baina zenbait arazo tekniko zituela-eta, berritu eta berriro aurkeztea erabaki du.
Biharko ekitaldiko sarreraren truke (5 euro), DVDa oparituko da. Aurreko DVDa dutenek ez dute sarrerarik ordaindu beharko, eta DVDa bertan aldatuko zaie, debalde. Dena den, beharrezkoa izango da zaharra ekartzea.
Ekitaldira joaterik ez duenarentzat, DVD berria Dobera Euskara Elkartean egongo da eskuragai, 10 euroan. Bulegoan bertan egin ahal izango da, baita ere, DVDaren aldaketa.
Azken DVDan, egindako aldaketa nagusia, Goizetik txistulari banda gehitzea izan da, Patxi Apezetxea zuzendaria omenduz. Horrez gain, kalitatean hobekuntzak egin dira.
Bukaeran, Luis Telleriak egindako koadroa enkantatuko da.
Luis Telleriaren koadroa, enkantean
DVDaren irudiak proiektatu ondoren, Luis Telleriak proiektua laguntzeko egindako Axeriaren koadroa enkantatuko da. Sarrera prezioa zehaztuta dago: 250 euro.