ARGAZKI ALBUMA - San Antonio jaiak 2019
Nobedaderik ez, baina xarma faltarik ere ez du izango, San Antonio jaien azkeneko egunak, Ereñotzun. Euskal kulturaren eskutik agurtuko dituzte festak, ohiko lau ekintzarekin.
Pelota partiduekin hasiko dute eguna, eskuzko bi partidu erakargarrirekin; eta sagardo dastaketa izango dute segidan. Arratsaldean, berriz, Gipuzkoako Aizkolarien bigarren mailako finalaurrekoa ekarriko dute Ereñotzura. Eta bukatzeko, ohi bezala, maila haundiko bertso saioa prestatu dute.
GAUR, igandea
08:30etan, Hernaniko txistulariekin diana bailaran barrena.
11:30etan, Pelota partiduak:
-Emakumeak eskuz: Espinar-Mendizabal/Ruiz de Larramendi-Ruiz de Larramendi
-Gizonak eskuz: Murua-Lizeaga/Arrieta-Apezetxea
12:00etan, Sagardo Probaketa plazan, Ur-Mia elkarteak antolatuta. Sagardotegiak: Elutxeta, Iparragirre, Elorrabi, Otsua-Enea, Olaizola, Goiko-Lastola eta Larre-Gain.
16:30etan, Gipuzkoako Aizkolarien 2garren mailako finalaurrekoa. Gipuzkoako Herri Kirol Federazioak antolatuta, Frontoian. Sarrera: 10 euro.
19:00etan, Bertso jaialdia: Maialen Lujanbio, Sustrai Colina, Beñat Gaztelumendi, Unai Agirre eta Miren Amuriza.
Ondoren, errifaren zozketa eta jaien amaiera suziriak jaurtiz.