Hernani ez da egongo gomazko paletako Herriarteko Txapelketaren finalean. Ostegunean, bi eta bat galdu zuten zuten palista hernaniarrek Azkoitian. Lehenengo partiduan 19 eta 20 irabazi zuen Hernanik. Binaka, 20 eta 12 galdu zuten hernaniarrek eta 20 eta 11 galdu zuen Hernanik zazpi barruan.
Orotara, lau eta bi irabazi du Azkoitiak, Hernanin ere bat eta bi irabazi baitzuen. Guztira, aldeko 109 tanto pilatu dituzte herritarrek, eta 81 hernaniarrek.
Bilbon Mendizabal eta Irazustabarrena, Customeko finalean
Bestalde, Irazustabarrenak eta Mendizabalek osatutako bikoteak Customeko Torneoko finala jokatuko du gaur arratsaldean, Bizkaia frontoian Bilbon, 17:00etan hasiko den festibalean. Bertan, Nagore eta Murga arabarrak izango dituzte aurkari paleta larruz jokatzen den finalean.
Txapelketa hau INNPALA egitasmoak antolatzen du.