Ikasturtea bukatzen ari da, eta dagoeneko familia gehienak ari dira hurrengo ikasturtean pentsatzen. Baita kiroldegia eta Mundarro Kirol Elkartea ere. Hala ere, aurretik ikasturte honi amaiera modurik egokienean eman nahi die, udako kirol egunean, aktibitate desberdinekin ostiralean, ekainaren 21ean, eta baita datorren larunbata goizean, ekainaren 22an, saio irekian eta erakustaldian.
Erakustaldi hauek gainera irekiak dira. Udako kirol egunaz ezagutzen dena ostiralean, ekainaren 21ean, hasiko da 17:00etan. Haur taldeak Zumba eta Jump Fit egingo dute. 17:15etan helduentzako Aireko Pilatesa gazteleraz antolatu da eta 18:00etan Jump Fit eta Strong by Zumba saioak. 18:15etan TRX egingo dute eta eguna amaitzeko 19:00etan Cardiobox eta Ziklo Indoor.
Ekainaren 21ean eta 22an udako kirol eguna antolatu da.
Bazkariarekin emango diote amaiera ikasturteari
Datorren larunbata, ekainak 22, egun berezia izango da ikasturtean zehar klaseak hartu dituzten ikasleentzat. Goizeko 11:30etan Hiit saioa egongo da eta indarberritzeko eta ongi pasatzeko aukera paregabea dute ikasturte amaierako bazkarian, 14:00etan.
Datorren ikasturterako ikastaroak gazteentzat kiroldegian
Bestetik dagoeneko familia gehienak ari dira hurrengo ikasturteari begira. Baita kiroldegia eta Mundarro Kirol Elkartea ere. Aukerarik ez da falta, hainbat ikastaro aurkeztu baitituzte.
Kiroldegian ikastaroak izango dira, bai eguerdian baita arratsaldean ere: Zumba Kids, Jump Fit, AeroGym eta Ziklo Gaztea, hain zuzen.
Mundarroko eskolak, Lehen Hezkuntzako ikasleentzat
Mundarroko Eskolak ere badaude;?Lehen Hezkuntzako 3. mailatik 6. mailara bitarteko ikasleentzat dira. Sei modalitate lantzen dira: eskubaloia, saskibaloia, atletismoa, judoa, pelota eta futbola.
2019-2020 IKASTURTEA
Mundarroko Eskolak
- Eskubaloia (LH 3-6)
- Saskibaloia (LH 3-6)
- Atletismoa (LH 3/LH 4-5)
- Judoa (LH 3/LH 4-6)
- Pelota (LH 3-6)
- Futbola (LH 3-4/LH 5-6)
Kiroldegiko eguerdietako jarduerak
- Zumba Kids (HH 4-5 eta LH 1-3)
- Jum Fit (HH 5-LH 1-3)
- AeroGym (LH 3- LH 4-6)
Kiroldegiko arratsaldetako jarduerak
- Zumba Kids (4-7 urte eta 8-12 urte)
- Jum Fit (5-8 urte eta 9-12 urte)
- Aero Gym (9-10 urte eta 11-12 urte)
- Ziklo Gazte (12-15 urte)