Zarauzko Triatloian hartu zuen parte Peru Alfaro San Ildefonso triatleta hernaniarrak, larunbatean, eta 8garren egin zuen, ibilbide osoa 4 ordu, 11 minutu eta 59 segundutan bukatuta.
Aurrena, Getariatik Zarautzera 2,9 kilometro egin behar izan zituzten igerian, parte-hartzaileek.
Segidan, 78 kilometro egin zituzten bizikletan. Horretarako, bi buelta eman zizkiotena aurrena 26 kilometroko zirkuituari. Meagako mendatea igo behar izan zuten zati horretan, besteak beste, batezbesteko %3,5eko pikoa zuen aldapak, 3,9 kilometroko distantzian. Segidan, buelta bat eman zioten 25 kilometroko zirkuituari, Zarauztik Oriora bidean, Aiako Harresirako igoerarekin; %18rainokoa zen hau.
Bukatzeko, 21 kilometro egin zituzten korrika; zirkuiturako lotura tarte baten ondoren, 6,2 kilometroko ibilbideari hiru itzuli eman behar izan zizkioten, Plazan bukatzeko.